ໃນລະຫວ່າງວັນທີ 9-14 ມິຖຸນານີ້, ຄະນະໜັງສືພິມຜູ້ແທນປະຊາຊົນສະພາແຫ່ງຊາດລາວ
ແລະ ສສ ຫວຽດນາມ ໄດ້ ຮ່ວມກັນເຝິກອົບຮົມວຽກງານການຂຽນຂ່າວໜັງສືພິມຂຶ້ນທີ່ແຂວງແທງຮວ່າ ສສ
ຫວຽດ ນາມ. ຝ່າຍລາວນຳຄະນະໂດຍ ສະຫາຍ ທອງດາ ສຸພາສິດ ຫົວ ໜ້າກົມສື່ມວນຊົນສະພາແຫ່ງຊາດທັງເປັນບັນນາທິການໜັງສືພິມຜູ້ແທນປະຊາຊົນ
ພ້ອມ ຄະນະ 25 ສະຫາຍເຂົ້າຮ່ວມ ເພື່ອສືບຕໍ່ຍົກລະດັບຄວາມຮູ້ຄວາມສາມາດກ່ຽວກັບທັກສະການຂຽນຂ່າວ,
ຂຽນບົດສືບ ສວນ, ບົດສຳພາດ ແລະ ບົດຂ່າວວຽກດີຄົນເດັ່ນທັງເປັນການສ້າງຄວາມຮັບຮູ້ໃໝ່ໃນການເປັນນັກຂ່າວຈາກບົດຮຽນ
ແລະ ປະສົບການຂອງ ສສ ຫວຽດນາມ.
ໃນໄລຍະເຝິກອົບຮົມ, ຄະນະບັນນາທິການຂອງສອງໜັງສືພິມຜູ້ແທນປະຊາຊົນລາວ-ຫວຽດນາມໄດ້ພົບປະແລກປ່ຽນ
ບົດຮຽນກ່ຽວກັບການຈັດຈຳໜ່າຍໜັງສືພິມເພື່ອກຽມຄວາມພ້ອມທີ່ຈະລົງພິມໜັງສືພິມຜູ້ແທນປະຊາຊົນຂອງລາວອອກ
ແລະ ຮຽນຮູ້ປະສົບການຂອງວຽກງານບັນນາທິການ, ເນື້ອໃນ, ຄໍລຳ, ການຕະຫລາດ ແລະ ກົນໄກການເຮັດວຽກແຕ່ລະ
ພະແນກການຂອງໜັງສືພິມ ແລະ ໃນໂອກາດນີ້, ຄະນະໜັງສືພິມຜູ້ແທນປະຊາຊົນສະພາແຫ່ງຊາດ ສສ ຫວຽດນາມ
ໄດ້ມອບຄອມພິວເຕີ ຈຳນວນ 10 ຊຸດ ໃຫ້ໜັງສືພິມຜູ້ແທນປະຊາຊົນສະພາ ແຫ່ງຊາດລາວເພື່ອຮັບໃຊ້ເຂົ້າໃນວຽກງານຂອງ
ຕົນມີຄວາມສະດວກດີຂຶ້ນ.
No comments:
Post a Comment